SANG BIMA NGREREH SANG ARJUNA

Nama      :    Ni Putu Natih Verra Sintia

No            :    19

Kelas       :    XI IPA⁵

SANG BIMA NGREREH SANG ARJUNA

Critayang Sang Panca Pandawa wenten ring tengah alase ageng. Ida katundung saking jagat Astina santukan kaon matrui. Ring tengah alase ida setata tan lali ngastawa betara kasarengin olih pars tapane. Para resi ring alase garjita nyarengin pamargin Sang Pandawane. Sarwa burone silih asih kapitresnan. Taru-tarune nedeng mabunga kadi ngaturang sekarnyane mangda kasumpangang. Wenten taler tarn nedeng mawoh aged, carangipune nganteg ka tanahe.

Sang Darmakusuma kairing olih rainidane, Sang Bima, Nakula, Sadewa miwah Dewi Drupadi malinggih ring sor tarune. Ida maosang indik pamargin Sang Arjunane sane kautus nangun tapa ring Gunung Indrakilane.

"Uduh Adi ajak makejang, mirib subs langkungan taken dasa tiban I Arjuna nangun tapa. Kayang jani masih tonden teka. Nah,sawi rah semayanesuba paek lakar buin mawali ka negara, jani ada keneh Beline lakar ngalih I Arjuna. Apa ke ia maan panugrahan, apa is nepukin bays? Adi, Sang Bima kema Adi ngalih I Arjuna, sawireh Adi mula ane andelang Beli. Beli lakar ngantos tekan Adine!" Sapunika pangandikan Sang Darmakustimane.

Sang Bima matur, "Inggih Beli, tiang ngiring pangandikan Beline". Sapunika atur Sang Bimane tumuli mamargi ngungsi Gunung Indrakilane.

Tan critayang ring margi, gelissampun rauh ring Gunung Indrakilane. Sang Bima masusupan ring alas bongkol gununge. Ida neaten manggihin Sang Arjuna, raris malih masusupan ngantos rauh ring bangkiang gununge. Sampun sue ida masusupan, taler Sang Arjuna durung kapangguh. "unika ngardinin kayunidane sedih kabiaparan.

Yan kudang rahina Sang Bima masusupan ring tengah alase raris wenten kapanggih gua. Ring bungas guane wenten bate lempeh, selem malengis. Sang Bima gelis ngranjing ka tengah guane punika. Kapanggih pamuspan, makadi : pasepan, sekar etuh. Semaliha genahe punika sampun katumbuhin padang miwah lalang. Sang Bima ngayunin genahe punika janten sampun genah pecak anak nangun yasa.

"Mirib ene laad tongosne i adi matapa? Bungan-bungane makejang suba tuh. Padange suba tumbuh ngrembun, buina tuning ada laad taen masampatang. Mirib suba makelo ia makaadulidini.Apakeia suba coati sarapburon? "Sapunika keengan Sang Bimane sarwi medal saking guane. Tan doh saking bungas guane ring samping batune lempeh kapangih galih sampun latuh. Sang Bima gelis nureksain galihe punika kabudang badingang.

"Bah, yen kene unduke, pedas ene tulang I Arjunane. Kanti latuh tulange, pedas suba makelo ia mati. Nah Adi Sang Arjuna, eda Adi makeengan sawireh Beli enu idup. Antos buin akesep Beli ngajak nyama-nyama Adine lakar nutug pajalan Adine. Jani Beli lakar nguningayang teken Sang Darmakusuma unduk Adine suba mati". Sapunika baos Sang Bimane tumuli mawali kagenah Sang Darmakusumane.

Critayang Sang Darmakusumane sedek mabebaosan kairing oleh Sang Nakula, Sahadewa miwah Dewi Drupadi. "Inggih Beli Sang Darma, Beli maraga darma nyuluhin dewek tititiange, ri kala kapetengan. Wantah Beli patut nambanin titiang. Sapunapi antuk Beli ngayunin, duaning Sang Arjuna ngantos mangkin durung rauh, Sapunika taler Ida Sang Bima? Kamanah antuk titiang becikan tut pamargan Sang Bimane!" Sapunika atur Diah Drupadine, sane kapatutang olih Sang Nakula miwah Sang Sahadewa.

"Adi a jak makejang melah pesan paitungan Adine. Jalan antosang malu buin ajebos. Pradene tusing teka dinane jani, buin mani pasemengan jalan kema ka gunung Indrakila!" Sapunika pangandikan Sang Darmakusumane. Tan dumade rauh Sang Bima nyujur linggih Sang Darmawangsane saha matur, " Inggih Beli Sang Darma, ampurayang tiang, santukan pamargin tiange tan mapikolih. Sang Arjuna nenten panggihin tiang. Yan manahang tiang I Arjuna sampun padem, duaning genahipunesampun suung,samaliha ringsisin guane panggihin tiang tulang latuh mabrarakan". Wau asapunika atur Sang Bimane, Sang Nakula, Sahadewa miwah Dewi Drupadi nangis masesambatan.

" Uduh Beli Sang Arjuna, las pesan Beli ninggal titiang. Menawi Beli sampun lali ring semaya, pacang sareng-sareng mantuk ka suargan?"

Sang Darmakusuma gelis ngandika, "Uduh Adi ila-ila ngetelang yeh paningalan. Elasang kenehe, sawireh makejang ane idup sing buungan lakar mati. Jele melahe much matine mula bekel i raga numadi. Sawireh suba pasti buka raos Sang Bimane, Sang Arjuna suba mati. Ane jani jalan dabdabang ragane lakar nyujur tukad Ganggane. Yan suba teked ditu jalan i raga ajakmakejang nutug pa jalane I Arjuna!" Sapunika pangandikan Sang Darmakusumane.

Benjangnyane Sang Pandawa lungs ka tepin tukad Ganggane. Sami sampun masucian, raris ngrangsuk busana sarwa putih. Pakayunanidane suci nirmala, tan wenten ajerih pacang malabuh geni. Para resi sane nyarengin pamargin Sang Pandawane sami kapitresnan, kasedihan nyingak pidabdab Sang Pandawane miwah Dewi Drupadi.

Sa-ig pandita gelis makelingin, "Uduh Ratu Sang Yudistira, lalis pesan kayun I Ratune pacang ninggal titiang. I Ratu kasub maparab Sang Darmakusuma, ledangan cingak jagate! Napi panados jagate yan Palungguh I Ratu pacang malabuh geni. Palungguh I Ratu Wantah urip jagate sami. Kabecikan jagate patut kardinin I Ratu. Napi gunan kerti yasan Palungguh I Ratune sane sampun lintang. Duaning I Ratu masusupan ring alase, nangun yasa, boys ke tetujone ngicalang sakancan corah miwah momone ring jagate. Pangrauh I Ratune masusupan iriki ngardinin manah titiange galang. Janten jagate pacang rahayu. Sampunang I Ratu malabuh geni!"

Sang Darmakusuma ngandika, "Inggih Ratu Sang Resi, becik pisan wewecanan I Ratune,sakewanten ampurayang pisan nenten prasida antuk titiang nagingin pakarsan I Ratune. Titiang mamanah ngardinin kabecikan jagate.. Napi gunanipune santukan I Arjuna sampun padem. Titiang sampun masubaya idup coati mangda sareng-sareng. Punika mawinan sampu­nang Singgih Pranda nyungkanang. Cutetipun titiang jaga malabuh geni". Sapunika baos Sang Darmakusumane raris makinkin sareng sametonanidane.

Critayang kala punika Sang Maruti sedek wenten ring ambarane. Dane ngantenang pariindik Sang Darmakusumane pacang malabuh geni. Di gelis Sang Maruti tedun nyujur genah Sang Dal ^-makusumane saha matur, "Inggih Ratu Sang Prabu, titiang puniki wantah Sang Maruti. Rauh titiange jaga nguningayang indik Sang Arjunane. Sane mangkin ida sam­pun manggi hin kawibuhan, ring suargan. Betara. Indra ledang micavan^a sapakayun, un, santukan Ida Sang Arjuna nyidayang nelasang meseh Betara Indrane. Sampunang I Ratu sungkawa! Sang Arjuna polih panugrahan mautama paican Ida Betara Siwa, duk ida nangun yasa ring Indrakila".

Sang Darmakusuma nyawis ngandika, " Uduh Dewa Sang Maruti, daat legs tiang ningeh baos I Dewane. Tegarang tuturang unduk Sang Arjunane!"

Sang Maruti gelis matur, "Singgih Ratu Sang Prabu, sane riin suargane kalurug olih Ratu Manimantaka maparab Sang Niwata Kawaca. Sang Prabu Manimantaka daat sakti nenten kakaonang olih denawa, pisaca miwah dewata. Punika mawinan Sang Hyang Indra ngarsayang kanti ring Sang Arjuna, sane sampun polih panugrahan Hyang Siwa. Sasampune Sang Arjuna mademang Sang Niwata Kawaca raris ida kalugrahin inalinggih ring suargan, muponin kaluihan Indralokane.

Sang Yudistira malih ngandika, "Uduh Dewa Sang Maruti tiang tonden ngugu munyin i dewane. I Bima nyritayang teken tiang, tulang-tulang Sang Arjuna subs latuh tur makacakan di arep guane di samping batune ! Eda Dewa nguluk-nguluk tiang!"

Sang Maruti gelis matur, "Inggih Ratu Sang Prabu, wiakti pisan kadi pangandikan I Ratune. Ring ajeng guane makeh wenten galih tur sami sampun latuh. Punika kawiaktiannyane wantah tulang i raksasa Momo Simuka, sane kapademang olih Sang Arjuna. Duk punika rauh Ida Betara Siwa nyuti rupa dados juru boron nyarengin manah I Momo Simuka sane masiluman dados bawi. Betara Siwa raris mamastu panahe mangda dados asiki. Sasampune i bawi padem, raris Betara Siwa mayuda sareng Sang Arjuna malarapan saking ngrebutin senjata. Sang Arjuna pageh ngelarang darmaning kesatria raris ida kanugrahin senjata mautama. Senjata punika sane mrasidayang mademang Sang Niwatakawaca". Asapunika atur Sang Marutine. Sang Darmakusuma taler durung ngega atur Sang Marutine raris madabdab pacang malabuh geni.

Tan dumade wenten suara saking ambarane, "Uduh Dewa Fang Darmakusuma eda Dewa malabuh geni! Yan I Dewa mamurug sing buungan I Dewa kalebok di kawahe. Ento atur Sang Marutine beneh pesan. Adin I Dewane Sang Arjuna ada di suargan muponin kawiryan. Ane jani subs makinkin matulak uli suargan. Tusing buungan I Dewa lakar makatang gumin I Dewane". Asapunika wecanane ngawang-ngawang saking ambarane maduluran sabeh sekar. Sang Darmakusuma mireng sabda sane asapunika mawastu ida sareng sametonanidane wangde malabuh geni. Para resi sane ngiring sami garjita saha nguncarang puja pangastawa ring betara.

Sang Darmakusuma ngandika, "tJduh Dewa Sang Maruti, aget I Dewa teka, yan tusing keto, kenken ya panadin tiange? Suksma pesan tiang teken paungun I Dewane. Dumadak-dumadik pakantian tiange ngajak I Dewa raket kayang kawekas.

Sang Maruti matur, "Ratu Sang Prabu sampunang punika panjanganga. Punika wantah sampun titah wastannya­ne. Sane mangkin becik-becik I Ratu nyantos iriki, titiang nglungsur mapamit". Sang Maruti gelis miber ka ambarane. Sang Darmakusuma sareng sametonanidane miwah Dewi Drupadi daat ledang nyantos pangrauh Sang Arjunane.

Critayang Sang Arjuna sampun sue namtamin ka­ledangan -kayunidane ring suargan. Sane mangkin ida mapikayun pacang mawali ka genah sametonanidane. Sang Arjuna nyujur linggih Ida Batara Indra tumuli matur, "Inggih Ratu Betara, santukan titiang sampun sue iriki, sane mangkin titiang nunas mapamit. Titiang mamanah jagi kecunduk ring nyaman titiange ring tengah alase. Ledang I Ratu ngampura­yang kakirangan titiange".

Betara. Indra ngandika manis, "Uduh Dewa Sang Arjuna, beneh pesan buka raos I Dewane. Suba makelo I Dewa dini, sinah nyama mush somah I Dewane ngati-ati tekan I -Dewane. Nah ane jani kema I Dewa mawali! Ento kretan Bapane tegakin! Lenan teken ento watek widiadarine lakar ngabih pa jalan I Dewane," Sang Arjuna ngatu rang bakti saha mapamit. Ida kasarengin olih widiadara-widiadarine, marerod ring ambarane. Sang Citrarata miwah panjakidane sane dados pangiring pamargan Sang Arjunane. Suaran gonge aor ring suaran kudane ngebek ring ambarane.

Nenten sue ring margi, kancit sampun rauh ring tepin alas genah Sang Darmakusumane. Para tapa resine kagiat nyingak kreta dumilah sane kauparengga antuk mas manik, marerod ring ambarane. Suaran kuugan kretane aor ring suryak para pangiringe ngebek ring ambarane. Beberoke ngrepet ampehang angin, mawastu ngempengin, ngawinang watek burone sambeh malaib. Sang Pandawa gelis nangsekin pangrauh kuusan suarane, raris kakantenang Sang Arjuna nglinggihin kreta kasarengin olih Sang Citrarata. Widiadara miwah Widiadarine taler makeh nyarengin, sami mabusana sarwa luih.

Sasampune Sang Arjuna tedun saking kretane, raris di gelis nyujur Sang Darmakusuma tumuli ngaturang bakti. Sang Citrarata miwah pangiringe taler sami nangsekang, raris malinggih madudon-dudonan.

Sang Arjuna Matur, " Inggih Beli nawegang titiang nunas sisip santukan titiang wau rauh tangkil. Sampun sue titiang ninggal­in Beli nangun yasa ring Indrakila. Pamargin titiange nangun yasa, sampun mapikolih madaging sakadi pakarsan Beline. Titiang sampun polih panugrahan Ida Betara Siwa marupa senjata. Semaliha titiang polih ngantinin Betara Indra, mademang I Niwata Kawaca. Puniki sane rauh nyarengin titiang wantah ratun gandarwa suargane, maparab Sang Citrarata.

" Uduh Adi Sang Arjuna lega pesan keneh Beline ngeton Adi rahayu teka. Buina pajalan Adine suba kasuecanin olih Ida Batara Siwa. Das Beli ngajak nyaman-nyaman Adine miwah Dewi Drupadi malabuh geni, sawireh Beli narks Adi subs lampus. Aget Sang Maruti mapakeling teken Beli, nuturang unduk Adine". Sapunika pangandikan Sang Darmakusumane. Para resi miwah pangiringe Baking suargan sami katurin panamiu marupa woh-wohan. Sarni ledang namtamin kaasrian alas gununge.

Artikel Terkait: