Rabu, 06 Juni 2012

MAHABHARATA

Diposting oleh

MAHABHARATA

            Kitab Mahabharata inggih punika karya sastra sané kakawi olih Bhagawan Wiyasa sané sampun kasub ring selantero jagat Indonesiané. Sané pinih utama ring Bali, sané marupa kakawin sané kanggén pangiring upacara marupa lantunan tembang. Iriki titiang pacang nyaritayang daging Kitab Mahabharata sané madaging antuk 18 Parwa.
1.      Adi Parwa
Parwa puniki inggih punika parwa sané kaping pertama, sané daging nyané carita utawi ajahan sané medaging ajahan agama Hindu. irika kacarita baghawan Dhomia sané nguji kesetian para sisia nyané, carita sang utangka sané satya ring guru nyané, carita pademnyané raksasa Hidimba ring tangan Bhimaséna.
Carita pademnyané raksasa Bhaka,selanturnyané inggih punika, Arjuna ngemenangin sayembara ngrebutang Drupadi, carita mijil nyané Resi Wyasa, para naga utawi garuda, pemutaran Gunung Mandara ngantos geseng nyané alas Khandawa, lan patemoné sareng asura maya sané waged ring ilmu bangunan.

2.      Shaba Parwa
Ring parwa puniki kacarita para korawa ngerereh papineh anggén ngemademang para Pandawa. rauh para Pandawa kaundang majudi dadu, Sang Yudistira kalah kantos Ida kapertaruhin utsaha sang Dharstarasta tur para Pandawa ngamolihang kabébasang makasamian.
Sané mangkin para Pandawa kaundang malih majudi dadu. sapesira sané kalah mangda nyadia kaentungang kirang langkung 12 warsa. Ring warsa 13 sampun dados mewali ka pekraman nyané, nanging nénten dados kauningin antuk krame sané tiosan. lan ring warsa 14 mawali ka Puri.



1
3.      Wana Parwa
          Para Pandawa kirang langkung 12 warsa ring tengah alasé, saking Wyasa sami mikolihang pitutur, mangda Arjuna matapa ring Gunung Himalaya nunas waranugraha sane marupa senjata ring para Dewa, kaanggén ngalahang para korawa.

4.      Wirata Parwa
Para Pandawa mamargi ka alasé antuk warsa 13 lan rauh ring Puri Wirata, irika makasami katerima makarya ring Puri raja Drupada. Sang Yudhistira dados Brahmana, Bhima dados juru masak, Arjuna dados guru tari, sang Nakula dados pengangon kuda, Sahadewa dados pengangon miwah Drupadi dados juru rias.

5.      Udyoga Parwa
Kacarita para Pandawa magenah ring genah sané mawasta Upalawya.Duryodhana
sareng Arjuna ritatkala nangkil tur menggah ring Sri Kresna pacang wénten ngaturang pasuwecan rikala perang Bharata Yuddha. Carita raja negeri Mandra utawi Salya mamargi ka genah Pandawa, pacang nyarengin Pandawa rikala paperangan .
           Raja Salya kasambut becik olih Duryodhana, mawinan punika Salya mihak para Kurawa.Iriki Sri Kresna uning papineh Duryodhana sané nénten becik antuk ragan Ida, mawinan punika Ida ngamedalang kawisésan Ida sané marupa Yoga sané wikan.

6.      Bhisma Parwa
Kacarita iriki Bhisma dados Panglima perang para Kurawa. Dhrstadyumna rakan Draupadi dados Panglima para Pandawa. Selanturnyané awig-awig perang sampun kamedalang, ring wenginé anggén marerepan tur ngaresikan ipun sané padem. Raris kawéntenan " Mahabharatayuddha" sané kalaksanayang ring Kurusétra.Sri Kresna nénten langsung sareng ring paperangan, Ida dados penaséhat tur dados pawarah siasat sané kaicén ring para Pandawa mangda dados pangendara keréta Arjuna.  

2
Ring rahina kapertama ngalawan musuh, Arjuna bimbang, mawinan sané Ida lawan wantah pasuwitran Idané tur wénten sané banget Ida junjung inggih punika, Bhisma sareng Bhagawan Drona. Mawinan punika kaicen wejangan-wejangan olih Sri Kresna indik kewajiban jadmané sané patut tur dharma. Wejangan punika sané kabaos Bhagawan Gita sané suksemannyané (Nyanyian Tuhan) utawi Mantran Ida Sang Hyang Widhi. Selanturnyanné, Sang Arjuna mangda tabah ngalawan musuh-musuh Idané. Sampun 10 rahina paperangan lintang, Sang Bisma gugur. Ida ngicén para Pandawa lan Kurawa wejangan sané becik.
7.      Drona Parwa
Iriki kacarita gugurnyané Resi Bisma, sané mangkin genah tahta Ida Sang Bisma kalinggihin olih Bhagawan Drona, Ida sampun masumpah pacang nangkep Yudistira mangda Duryodhana seneng. Sang Bhisma sareng Satyaki nyerang pasukan Kurawa pacang ngambil Arjuna. Gelisan carita, Sang Drona gugur. Resi Wyasa nguncaran mantram mangda sang Kresna sareng Arjuna selamet. Ring parwa puniki kantun kacarita gugurnyané Gatotkaca sareng Abimanyu.

8.      Karna Parwa
           Gugurnyané Gatotkaca sareng Abimanyu, Sang Bhisma sareng Arjuna kroda. Sang Bhisma ngamademang Dussasana tur nginem rah Ida Sang Dussasana anggén negepin sumpah Ida sang Bhisma sané sampun kaucap. Iriki kacarita raja Madra dados kusir keréta Sang Karna, carita paperangan Salya sareng Karna, tur Arjuna prasida ngamademang Karna ring rahina kaling 17, antuk panah pasupati.

9.      Salya Parwa
           Ring parwa puniki kacarita sané dados panglima perang ring pihak Kurawa inggih punika Salya. Nanging ring rahina kaping 18 salya gugur. Duryodana mangkin sampun katinggalin olih pasuwitran Ida sareng sami.


3
Ida nyerah ring paperangan puniki tur makasami kerajaan kaserahang majeng ring para Pandawa .Ida kalécéhin olih para Pandawa, Ida kroda tur ngalanturang paperangan  ngalawan sang Bhisma. Ring paperangan punika Doryodana gugur, nanging durus Aswathama kangkat dados panglima.

10.  Sauptika Parwa
                Kacarita Aswathama nénten mrasidayang nahan kroda antuk tentara Pancala. Ring wenginé Ida nyusup ring genah kémah tentara Pancala, tur ngamademang akéh tentara-tentara sinalihtunggilnyané Dhrstayumna. Aswatama laut magingsir ka tengahing alasé, ngrereh genah berlindung ring pertapaan Wyasa. Benjangnyané Ida kacingak olih para Pandawa, tur kawéntenan pertarungan sareng Arjuna. Wyasa sareng Kresna damai, Aswathama nyerahang makasami senjata lan kesaktian sané kaduénang olih Ida.

11.  Stri Parwa
        Iriki kacarita Dhastarasta sedih antuk pademnyané sami putran Ida. Ida kroda sareng Bhisma tur pacang ngamademang Bhisma. Para iatri-istri sami sedih katinngalin olih rabinnyané tur putran Ida makasami. Dewi Kunti nyaritayang indik kawéntenang Karna ring jagaté puniki.

12.  Santi Parwa
        Kacarita Dhrstarasta sareng Gandhari, para Pandawa sareng Sri Kresna, tur makasami Istri para Pahlawan rauh ring Kurusétra. Ida makasami nyesel raga antuk napi sané sampun kamargiang, tur rahina punika makasami sedih. Iriki kacarita kaméwehan sané kapolihin olih Yudhistira sané nyesel raga indik Ida ngamademang makasami pasuwitran Ida. Yudhistira ngamolihang ajahan tur wejangan Sang Bhisma sané kantun keni panah.



4

13.  Anusasana Parwa
        Iriki kacarita Yudhistira kapaica ajahan-ajahan Dharma tur Artha, sareng ajahan mangda Ida Sang Yudhistira madué parilaksana sané dermawan tur bijaksana olih Sang Bhisma. Iriki Sang Yudhistira mangda waged indik Upakara lan Upacara sané manut ring sasana Agama. Gelisang carita, Sang Bhisma sané waged tur saktimandraguna sampun lunga Ida ka genah sané becik pisan inggih punika Suargaloka.

14.  Aswamédha Parwa
        Kacarita para Pandawa nemoning arta brana sané nenten keni pacang kawilangin. Kacarita mijilnyané Parikesit sane séda ring kandungan Sang Uttari olih senjata sang Aswathama, nanging kapaica malih mijil sané kapingkalih olih Sri Kresna. Carita paperangan Arjuna sareng para Raja sané wénten ring selantero jagat puniki.

15.  Asramawasika Parwa
         Ring parwa puniki kacarita Prabhu Dhrstarasta, Gandhari, Kunti, Widura, sareng Sanjaya pacang ngicén Kerajaan majeng ring Yudhistira tur Ida sareng sami ngalaksanayang Tapa Brata. Risampuné wénten ring alasé kacingakin olih para Pandawa. Iriki kacarita Narada rauh nangkil ring Yudhistirapacang maosang indik Prabhu Dhrsttarasta sareng sami sampun lunga ka Suargaloka sané kageseng olih api suci Idané.

16.  Mausala Parwa
        Iriki kacarita indik gesengnyané sejata Mausala tur linanyané wangsa Wresni. wangsa Wresni keni kutuk Brahmana sané polih kagutu(olok-olok) Kacarita Sang Kresna sané kaasingin ka alas, tur carita Arjuna sané polih rauh ka Dwarawati tur nyingakin jagat irika sampun nénten wénten panjak meneng irika. Iriki Arjuna nemonin sedih, sendu indik napi sané sampun kapanggihin, tur maosang indik puniki ring Resi Wyasa. Iriki Resi Wyasa ngraosang mangda para Pandawa ngungsi.
       

5
17.  Mahaprastanika Parwa
        Iriki kacarita para Pandawa ngungsi saking jagat sane akéh kramané. Sesampuné Tahta utawi Mahkota sampun katurang majeng ring Sang Parikesit, Putran Ida Sang Abimanyu. Selanturnyané kacarita ring alasé Dewi Drupadi séda, sesampune Dewi Drupadi Ida Sang Sahadéwa, Nakula, Arjuna, sareng Bhisma makasami séda.
        Sane kantun nyeneng Ida Sang Yudhistira sareng asu sané dados pangiring Idané. Selanturnyané rauh Ida Dewa Indra ngambil Sang Yudhistira pacang ngiring lunga ka suargaloka. Sang Yudhistira nénten kayun sareng, yening asunIdane nénten sareng. Asu punika mijil dados Sang Hyang Dharma. Sané mangkin Sang Yudhistira kabakta ka Indraloka.

18.  Swargarohana Parwa
        Parwa puniki nyaritayang indik Sang Hyang Dharma sane masalin rupa dados asu nyaritayang indik sane sapatutnyané. Ring Suargaloka Sang Yudhistira sedih sawiréh utusan Dewata kantun nguji kateguhan arsa Idané.
        Ida kagenahin ring Neraka, tur mirengang pasuwitran Idané makasami nangis ring genah punika. Selanturnyané Dewata ngaturang pawarah indik sané sampun kamargiang. Gelisang carita Sang Yudhistira nyeneng rahayu ring Suargaloka sesampuné Ida ngalebur layon (mayat) Idané ring genah suargaloka Gangga.

            Inggih wantah asapunika titiang prasida nyurat daging Parawa puniki. Yéning wénten kakirangnyané mangda Ibu utawi Bapak dosen negepin malih mangda wénten anggen titiang negepin matéri kuliah.
 Malih pisan titiang nunas gengrena pangampura yéning wénten kakirangngannyané. Pinaka pamuput atur titiang ngaturang suksma.



6































Artikel Terkait:

di
Label: ,

Tidak ada komentar:

Posting Komentar

Langganan: Posting Komentar (Atom)