Puisi Bali Purwa

PAMAHBAH

Om Swastyastu

          Angayubagia uningayang titiang majeng ring Ida Sang Hyang Widhi Wasa, duaning sangkaning asung kerta wara nugrahan-Ida mawinan titiang prasida muputang sasuratan pupuh puniki kanggén negepin matéri kuliah "Puisi Bali Purwa" sané kaicén olih dosén. Pupuh puniki kasurat kantun ringkes pisan gumanti wénten kanggén bantang kuliah miwah mapauruk ngaryanin pupuh sanékangkat saking silihsinunggil crita bawak.

          Kawagedan nyurat utawi nembangin pupuh sané kaiket antuk padalingsa banget pisan kabuatang antuk para mahasisia sané ngambil widang ilmu Basa lan SastraBali, duaning sampun majanten bénjangan dados guru basa bali. Iriki titiang pacang nyurat pupuh "Maskumambang" sané kangkat saking crita "I Sugih tekén I Tiwas.

          Mantuk ring saluir kakirangannyané, titiang nunas agung rena pangampura saha nunas pawarah-warah miwah piteket-piteket mangda wénten kanggén maripurnayang sasuratan salanturnyané. Mogi-mogi wénten pikenohipun.

          Om Santih Santih Santih Om

Denpasar,   Desember 2010

I

I Sugih tekén I Tiwas

Ada katuturan satua I Sugih tekén I Tiwas. I Sugih ia sugih nanging demit, ia iri ati duleg tekén anak lacur, I Tiwas mula lacur nanging barés. Solahné melah tur dueg matimpal, geginané ngalih saang adepa ka peken.

Sedek I Tiwas ngalih saang, teka Sang Kidang laut ngomong, "Ih Tiwas, seluk jit nirané." I Tiwas nyeluk jit Sang Kidangé. I Tiwas kendel maan mas pipis liu. I Sugih iri lantas milu ka alasé, tepukine Sang Kidang lantas seluka jitné. I Sugih paida, awakné babak belur. Keto upah anaké momo tur iri ati.

Pupuh Maskumambang

Pada I

Wénten satua                         4a

I Tiwas tekén I Sugih            8i

I Tiwas ya lara                       6a

Nanging I Sugih ya demit     8i

Iri ati tekén anak                    8a

II

Pada II

Ya I Tiwas                              4a

Solahné melah tur asih         8i

Ya ngelah geginan                 6a

Ka alasé ngalih tiing              8i

Lantas adepa ka pasar           8a

Pada III

Sedek Tiwas                          4a

Kel ngalih paku di tebing     8i

Tur teka Sang Kidang           6a

Ajaka tiwas mamunyi           8i

" Ih Tiwas, seluk jit nira       8a

III

Pada IV 

Ya I Tiwas                              4a

Lanta Ia nyeluk ejit               8i

Ia kendel pesan                      6a

Maan pipis tur mas kuning   8i

Pesu uli jit Sang Kidang       8a

Pada V

Sugih lantas                           4a

Ka alasé krana iri                   8i

Tepuka Sang Kidang            6a

Lantas I Sugih nyeluk jit        8i

Nanging ya paid Sang kidang 8a

IV

                  

Artikel Terkait: