PUPUH
GINADA
1. Mangkin
Panyajan Galungan
Agama Hinduné sami
Madabdaban nanding canang
Canang raka misi biu
Saha misi jaja gina
Canang sari
Sané anggén ring aturan
2. Wusan
tiang nanding canang
Matanding aturan sami
Sané aturang ka Pura
Sané misi biu susu
Jaja uli jaja gina
Saha manggis
Tur madaging taluh siap
3. Sané
aturang ring Mrajan
Gebogan perangkat japit
Wénten mawasta tebasan
Tebasan matumpeng pitu
Madaging sakancan sampian
Wantah niki
Banten sane utamayang
4. Wénten
mawasta ajuma
Katur
ring Palinggih sami
Ring
Palinggih Padmasana
Saha
ring Palinggih Taksu
Ring
Palinggih Marong Tiga
Malih
siki
Bedugul
munggah dampulan
5. Sanjané
tiang ngarajang
Anggén ring panampahanya
Wénten
suna saha bawang
Isén,
jaé, kunyit, jangu
Tabia,
cekuh, bangle, sera
Nika
sami
Pacang
anggén basa Rajang
6. Bawang
pacang anggén emba
Dingorengné
nganggén lengis
Lengis
jaen saha melah
Serané
sane matunu
Tur
madaging sambel tabia
Jaen
gati
Anggén
ngadonan lawarnya
7. Mangkin
sampun penampahan
Ring
semengan nampah bawi
Sané
anggén saté, lawar
Ulam
banten saha balung
Sané
anggén ring Galungan
Nika
sami
Ulam
anggén upakara
8. Tengainé
ngenang wastra
Ring Palinggih makasami
Munggahang toya tur lamak
Lamak malakar baan busung
Tur misi sakancan plawa
Saha misi papayasan
Sané becik
Anggén ngiasin Marajan
9. Wus
punika tiang nyampat
Ring natah umahé sami
Mangda natah sami kedas
Ring sakancan soroh luhu
Luhu busung saha plawa
Wus matanding
Sekancan sorohan canang
PUPUH
MASKUMAMBANG
1.
Ring Galungan
Semengan
ngidupin api
Ring
cangkem paonnya
Mangda
sida lebeng nasi
Anggén
mabanten saiban
2.
Wus punika
Tiang
manjus tur mabersih
Ngabersihang
raga
Nganggén
kamen, baju sami
Pacang
makinkin mabanten
3.
Kapertama
Ngidupang
paasepanné
Sane
misi dupa
Saha
misi menyan miik
Nresikang
pelinggih samian
4.
Wus punika
Tiang
ngaturang pengresik
Ring
palinggih mrajan
Tur
ngayabang maka sami
Pengresikan
sane munggah
5.
Kaping tiga
Mabanten
ring sor lebuhing
Lebuhing
merajan
Saha
lebuh ring natahé
Kantos
ring lebuhing jaba
6.
Kapinng papat
Nayabang bantené sami
Ngawit ring piasan
Kantos ring palinggih sami
Sane munggah bebantenan
7.
Wusan ngayab
Masegeh
ring lebuh sami
Segehan
lelima
Maulam
bawang lan jaé
Katurang
ring buta kala
8.
Wus punika
Kluargan
tiangé sami
Mabakti
ka Pura
Nunas
slamet ring Hyang Widhi
Nyuciang
manahé tunggal
PUPUH
SINOM
1.
Mangkin rahina Galungan
Agama
Hinduné sami
Mlarapan
muspa ka pura
Jangkepang
manahé suci
Tunggalang
ring Sang Hyang Widhi
Nunas
kaslametan sami
Mangda
nemoning rahayu
Sapamargin
pamuspaan
Maka
sami mangda becik
Tuah
iku
Tetujoné
nunas ica
2.
Muspa ngawit pura Désa
Saha ring merajan sami
Makta
asep saha sekar
Sekar
sandat bone miik
Tur
cempaka masi miik
Miikné
mawasta ngalub
Ngalubang
sakancan manah
Prasida
nganyudang hati
Saha
anyud
Kadi
paid toyan segara
3.
Wus ring desa pura Dalem
Nglanturang
ring Mrajapati
Anaké
makta aturan
Tiang
ngaturang pejati
Punika
banten mintonin
Pianak
tiang Ni Ayu
Sane
mayusa nem bulan
Nunas
ica ring Hyang Widhi
Ipun
Ayu
Mangda
nemu karahayuan
4.
Sane mangkin nuju setra
Munjung
ring ipun né padem
Padem
krana sasuratan
Sane
wénten ring Pertiwi
Punika
genah siduri
Ngayah
ring ida sang ibu
Ibu
Pertiwi mawasta
Sampun
titah ring Hyang Widhi
Tuah
iku
Pajalan
hidup makejang
Tidak ada komentar:
Posting Komentar